Accessibility links

Çex Respublikasında koronavirusa yoluxma halları sürətlə artır


Çex Respublikasının səhiyyə nazirinın cümə günü bildirdiyinə görə, Avropada koronavirusa yoluxma hallarının sürətlə artması səbəbindən ölkəsinin səhiyyə sisteminin yaxın 10 gündən iki həftəyə qədər COVID-19 xəstələrinin "böyük bir axını" üçün hazır olmalıdır.

Roman Primula Praqada keçirilən brifinq zamanı jurnalistlərə verdiyi açıqlamasında ölkədə bəlkə də üç həftə ərzində COVID-19 xəstələrinin sayının yüksək həddə çata biləcəyini deyib.

Bütün Avropada COVID-19 pandemiyası bəlkə də ən çox Çex Respublikasını vuracaq.

Avropanın Xəstəliklərə Nəzarət və Profilaktika Mərkəzi son iki həftə ərzində Çex Respublikasının yeni yoluxmalar nisbətində qitədə lider olduğunu bildirib. Belə ki, son iki həftədə hər 100 min nəfərə təxminən 702 yoluxma halı düşüb. Hər 100 min nəfərə 5.2 olmaqla, ölkə virusdan ölüm hallarına görə də Avropada liderdir.

Çexiya Səhiyyə Nazirliyi gündəlik artımın cümə axşamı 9 721-ə çatdığını göstərib ki, bu da bir gün əvvəllə müqayisədə 177 nəfər çoxdur.

Ölkədəki xəstəxanalar COVID-19 xəstələrinin sayının artdığına görə təcili olmayan əməliyyatları təxirə salıb. Primula ölkədə xəstələrin sayının iki dəfə artırdığını və çox guman ki, oktyabr ayının sonuna qədər xəstəxanaların dolu olacağını deyib.

Çex ordusu həftənin sonunda Praqanın sərgi mərkəzində 500 nəfərlik səhra xəstəxanası qurmağa başlayacaq. Qonşu Almaniya bəzi ağır xəstələri qəbul edə biləcəyini deyib.

Çex Respublikasının rəsmiləri hal-hazırda 84 min 430 koronavirus xəstəsinin, onlardan 2920 nəfərinin xəstəxanaya yerləşdirilməsinə ehtiyac və 543 nəfərin vəziyyətinin ağır olduğunu bildirib.

Şərhlərə bax

XS
SM
MD
LG