Accessibility links

Ermənistan prezidenti konstitusiyanın ona kifayət qədər səlahiyyət vermədiyini deyərək istefa verib


Arxiv fotosu - Ermənistan prezidenti Armen Sarkisyan Yerevanda növbədənkənar parlament seçkiləri zamanı səs verir, 9 dekabr 2018-ci il.

Ermənistan prezidenti Armen Sarkisyan ölkə konstitusiyasının ona hadisələrə təsir etmək üçün kifayət qədər səlahiyyət vermədiyini hesab etdiyini bildirərək bazar günü istefa verib.

2018-ci ildən prezident olan Sarkisyan və baş nazir Nikol Paşinyan arasında ötən il silahlı qüvvələrin rəhbərinin vəzifəsindən azad edilməsi də daxil olmaqla bir sıra məsələlərlə bağlı fikir ayrılıqları mövcuddur.

Baş nazirin rolu prezidentdən daha güclü hesab edilir.

“Mən uzun müddət düşündüm, dörd ilə yaxın aktiv işdən sonra respublika prezidenti vəzifəsindən istefa vermək qərarına gəldim”, Sarkisyan prezidentin rəsmi saytında dərc olunan bəyanatında bildirib.

“Sual yarana bilər ki, niyə prezident bizi indiki ümummilli böhrana aparan siyasi hadisələrə təsir edə bilmədi. Səbəb yenə də göz qabağındadır - müvafiq alətlərin olmaması...Konstitusiya. Bizim potensial problemlərimizin bir qismi mövcud Əsas Qanundan qaynaqlanır”, bəyanatda deyilir.

2015-ci ilin dekabrında keçirilən referendumun nəticələrinə əsasən, Ermənistan parlamentli respublika olub, prezidentin səlahiyyətləri isə əhəmiyyətli dərəcədə məhdudlaşdırılıb.

Sarkisyan açıqlamasında birbaşa olaraq hər hansı konkret hadisə və ya məsələni qeyd etməyib.

Ermənistan keçən ilin noyabrında Azərbaycanla sərhəddə Rusiyanın 2020-ci ildə altı həftəlik müharibəyə Moskvanın vasitəçiliyi ilə son qoyan razılaşmanın əldə edilməsindən sonra baş vermiş ən ciddi qarşıdurmadan geri çəkilmək çağırışının ardınca atəşkəs barədə razılığa gəlib.

Baş nazir Paşinyan o vaxtdan bəri onun sülh sazişinin şərtlərinə görə istefası tələbi ilə müntəzəm küçə etirazları fonunda təzyiqlərlə qarşılaşıb. Rusiyanın vasitəçiliyi ilə 2020-ci il razılaşmasına əsasən, Azərbaycan 1990-cı illərin əvvəllərində müharibə zamanı itirdiyi ərazilərə nəzarəti bərpa edib.

Ermənistan 1991-ci ildə Sovet İttifaqından ayrılıb, lakin yardım və investisiya baxımından Rusiyadan asılı olaraq qalır. Ermənilərin çoxu hökuməti korrupsiyada və iqtisadiyyatın yanlış idarə olunmasında günahlandırır.

Dünyaya Baxış

Dünyaya Baxış. Putin Soçidə Ərdoğanla görüşüb
please wait

No media source currently available

0:00 0:12:02 0:00
XS
SM
MD
LG