Accessibility links

Yunanıstan və Türkiyə aralarındakı gərginliyi azaltmağa çalışır


Yunanıstan və Türkiyə aralarındakı gərginliyi azaltmağa çalışır
please wait

No media source currently available

0:00 0:03:26 0:00

Yunanıstanın baş naziri Kiriakos Mitsotakis qonşu ölkələr arasında gərginliyin artması fonunda prezident Rəcəb Tayyib Ərdoğanla danışıqlar aparmaq üçün bazar günü Türkiyəyə gedir. Artan gərginlik artıq qurbanlar verməyə başlayıb.

Fevral ayında Yunanıstan sərhədinin Türkiyə tərəfində 19 miqrantın soyuqdan donması Afina və Ankara arasında faciəyə görə bir-birini günahlandıran şiddətli söz güləşinə səbəb olub.

Türkiyə prezidenti Rəcəb Tayyib Ərdoğan ortaq Egey dənizindəki yunan adalarının suverenliyini şübhə altına alaraq gərginliyi daha da artırıb.

Yunanıstanın baş naziri Kiriakos Mitsotakisin bazar günü Ankaraya səfəri Afinada Türkiyənin niyyətləri ilə bağlı narahatlıqların artması ilə baş verir.

“Türkiyə Rusiyaya bənzəyir, heç bir yoxlama, tarazlıq, müxalifət yoxdur, çünki müxalifət kraldan daha kralçıdır. Yunanıstan və Kipr məsələsində onlar çox radikaldırlar” - deyə, Afina Universitetindən Cingiz Aktar bildirib.

Lakin Ankara Yunanıstanın sürətli silahlanma proqramına görə təşvişə düşüb. Afina mürəkkəb döyüş təyyarələri və döyüş gəmiləri əldə edib və bu, Türkiyədə güc balansının Yunanıstanın xeyrinə poza biləcəyi qorxusu yaradır.

Türkiyə və Yunanıstan döyüş təyyarələri mübahisəli hava məkanında tez-tez it döyüşü aparır. Ərdoğanın müşaviri Mesut Casin hesab edir ki, Afina ilə ABŞ və Şərqi Aralıq dənizi ölkələri arasında hərbi əməkdaşlığın dərinləşdirilməsi də Türkiyəni narahat edir.

“Yunanıstanın həddindən artıq silahlanması və onun Türkiyə ərazisinə qədər genişlənmək istəyi Kiprlə birlikdə Türkiyəni həm Aralıq dənizində, həm də Egeydə təhdid edir. Onların təyyarələri 6 dəqiqəyə Türkiyənin Egey sahillərini vura bilər və müasir raketləri Türkiyənin müdafiəsini təhdid edir”.

Bəzi analitiklər xəbərdarlıq edir ki, Rusiyanın Ukraynaya müdaxiləsi region üçün təhlükəli nümunədir.

Köşə yazarı Sezin Öney deyir ki, “militarist perspektivdə, bütün ölkələrin psixikasına rəhbərlik edən sərt güc perspektivində, düşünürəm ki, Yunanıstan və Türkiyə də vaxtaşırı bir-biri ilə hərbi toqquşmağa davam edəcək, ümid edirəm ki, Ukraynada gördüyümüz kimi olmayacaq.”

Lakin İsrail prezidentinin Ankaraya səfəri zamanı vurğulanan İsrail və Türkiyənin yaxınlaşma səyləri Yunanıstan-Türkiyə gərginliyini azaltmağa yardım edə bilər.

“İsrail prezidentinin səfəri həm də East Med forumundakı tərəfdaşlarına mesaj verir ki, İsrail yunanların və yunan-kiprin bir hissəsi olmaq istəmir, Türkiyə ilə də çəkişməyə qoşulmaq istəmir Mənim fikrimcə, həm də sabitləşdirici təsir göstərir”- deyə, Kadir Has Universitetindən Soli Özel bildirib.

Türkiyə və Yunanıstanın zəifləmiş iqtisadiyyatlarını gücləndirmək üçün son dərəcədə turizmə güvəndiyi bir vaxtda bəzi analitiklər Mitsotakisin Ərdoğanla görüşündə ən azı gəlirli yay mövsümündə gərginliyin qarşısını almaq üçün öhdəlik götürəcəyini proqnozlaşdırır.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG