ABŞ Prezidenti Co Bayden cümə axşamı Ağ Evdə Finlandiya Prezidenti Sauli Niinistö və İsveçin Baş naziri Maqdalena Andersson ilə onların NATO-ya müraciətlərini, Ukraynya dəstəyi və Avropanın təhlükəsizliyini müzakirə edib.
İsveçin Baş naziri Maqdalena Andersson və Finlandiya prezidenti Sauli Niinistö ilə birlikdə danışan Bayden üzvlük ərizələrini ABŞ Konqresinə göndərəcəyini və tezliklə təsdiqlənəcəyinə ümid etdiyini deyib.
"İsveç və Finlandiyanın güclü demokratik təsisatları, güclü orduları, güclü və şəffaf iqtisadiyyatları və nəyin doğru olduğuna dair güclü əxlaqi hisslər var. Onlar NATO-nun bütün tələblərinə cavab verirlər"- deyə, Bayden bildirib.
Bayden İsveç və Finlandiya Rusiyanın Ukraynaya hərbi müdaxiləsinə cavab olaraq NATO hərbi ittifaqına üzvlüyünə rəsmi müraciət edəndən sonra çərşənbə günü onların "vacib qərarını" alqışlayıb.
"Mən Finlandiya və İsveçin NATO üzvlüyünə tarixi müraciətini səmimi olaraq alqışlayıram və qətiyyətlə dəstəkləyirəm və ABŞ Konqresi və NATO müttəfiqlərimizlə birlikdə işləyib, Finlandiya və İsveçi tarixin ən güclü müdafiə alyansına qəbul etməyi səbirsizliklə gözləyirəm," Bayden deyib.
ABŞ-ın müdafiə naizri Lloyd Austin isveçli həmkarı Piter Hultqvistə deyib ki, "Biz sizin NATO ittifaqına töhfələrinizi səbirsizliklə gözləyirik. "
Hultqvist deyib ki, İsveç öz təhlükəsizliyini təmin etmək üçün öz seçimlərini etmək hüququndan istifadə edir.
"İndi Avropa və Şimali Amerika demokratiyalarının Rusiyanın çılpaq təcavüzünə qarşı birlik olmalı olduğu bir dövrdür," Hultqvist bildirib.
NATO-nun baş katibi Yens Stoltenberq çərşənbə günü alyansın Brüsseldəki baş qərargahında hər iki ölkənin səfirlərinin rəsmi ərizə məktublarını aldıqdan sonra bu barədə açıqlama verib.
"Bu, təhlükəsizliyimiz üçün kritik bir zamanda yaxşı bir gündür" Stoltenberq deyib. "Bütün müttəfiqlər NATO-nun genişlənməsinin vacib olduğunda həmfikirdir. Biz hamımız razılaşırıq ki, biz birlik olmalıyıq. Və biz hamımız razılaşırıq ki, bu, tarixi bir andır."
ABŞ-ın yüksək vəzifəli müdafiə rəsmisi deyib ki, Ostin və Hultqvist NATO üzvlüyünə müraciət ilə Pentaqonun sözləri ilə onların nəhayət alyansa qoşulması arasındakı "aralıq müddəti" müzakirə ediblər.
Rəsmi deyib ki, Ostin açıq şəkildə bildirib ki, Birləşmiş Ştatlar İsveç ordusu ilə bağlı rahatdır və onlarla təhlükəsizlik və bacarıq ehtiyacları barədə müzakirə etməkdən məmnun olardılar ki, bu, onlara təminat vermək və lazım olarsa, Rusiyanı çəkindirmək üçün lazım olacaq.
