Accessibility links

Filippində bomba partlayışından sonra şübhəlilər müəyyənləşdirilib


Regional polis rəisi bildirib ki, Filippin polisi 4 nəfərin ölümünə səbəb olan katolik dini mərasimi zamanı törədilən partlayışda ən azı iki şübhəlinin şəxsiyyətini müəyyənləşdirib. O, İslam Dövlətinin üzərinə götürdüyü partlayışın arxasında duranları axtarışının davam etdiriləcəyinə söz verib.

Bomba 2017-ci ildə İslam Dövləti sadiqləri tərəfindən Asiyada həyəcan təbili çalan qanlı işğala son qoymaq üçün beş aylıq hərbi kampaniya nəticəsində xarabalığa çevrilmiş Maravi şəhərindəki universitet gimnaziyasında xidmət zamanı işə düşüb.

Regional polis rəisi Allan Nobleza GMA News-a bildirib ki, şübhəlilərdən birinin yerli militant qrup ilə əlaqəsi var:

"Bizim marağımızda olan şəxslərimiz va), lakin istintaq hələ də davam edir. İstintaqı qabaqlamamaq üçün adları açıqlamayacağıq" - deyə, o əlavə edib.

Birləşmiş Ştatlar hadisəni qınayaraq, bunun "dəhşətli terror hücumu" olduğunu bildirib.

Yaponiya, Avstraliya, İngiltərə, Çin və Kanada zorakılığı rədd edən filippinlilərin yanında olduğunu bəyan edib.


Dövlət Departamentinin sözçüsü Metyu Miller "hücum zamanı həlak olanlar üçün yas tuturuq və fikrimiz yaralılardadır" deyib.

İslam Dövləti yaraqlıları Mindanao Dövlət Universitetində törədilən partlayışa görə məsuliyyət Filippin prezidenti Ferdinand Markos Jr-ın "xarici terrorçuları" günahlandırmasından az sonra üzərinə götürüb.

Maravi əsasən katoliklərin yaşadığı Filippinin inkişaf etməmiş müsəlman bölgəsi olan Banqsamoro kimi tanınan və onilliklər ərzində qanunsuzluq, separatçı zorakılıq və qəbilə qarşıdurmaları ilə mübarizə aparan və bunun ekstremizm üçün münbit zəmin ola biləcəyindən narahatlıq olan bir ərazidə yerləşir.


Hərbi komandir Romeo Brauner bazar günü deyib ki, o, partlayışın cavab hücumu ola biləcəyindən şübhələnir, çünki bu, Mindanao ştatının cənub bölgəsində yerli ekstremist qruplara qarşı əməliyyatlardan sonra həyata keçirilib.

Hərbçilər bu yaxınlarda İslam Dövləti ilə birləşmiş, adam oğurluğu və dəniz quldurluğu ilə məşhur olan Əbu Səyyaf qrupunun yüksək səviyyəli əməliyyatçısını öldürdüyünü bildirib.

Əbu Səyyafın mərhum lideri İsnilon Hapilon İslam Dövlətləri tərəfindən Cənub-Şərqi Asiyada “əmir”kimi tanınır və 2017-ci ildə beş aylıq müharibə zamanı 1000-dən çox insanın ölümünə səbəb olan Maravi işğalının təşkilatçısı olub.

Hapilon snayper tərəfindən öldürülüb.

Forum

Dünyaya Baxış

Dünyaya Baxış. Rusiya Aleksey Navalnı ilə vidalaşıb
please wait

No media source currently available

0:00 0:13:15 0:00
XS
SM
MD
LG