İran
rəsmiləri ölkə prezidenti Mahmud Əhmədinejadın xəstələnməsi haqda dolaşan
xəbərlərə geniş reaksiya vermirlər.
İranın dövlət xəbər agentliyi İRNA qanunvericiyə istinad edərək cənab
Əhmədinejadın “əvvəl-axır” sağalacağına və prezident kimi fəaliyyətini bərpa
edəcəyinə ümidini izhar edib. Millət
vəkili İsmail Kovsari cənab Əhmədinejadın müttəfiqidir. O, bildirib ki, prezidentin iş cədvəli sıxdır
və çox işləyən insanlar üçün xəstələnmək qeyri-adi hal deyil. Prezident idarəsinin rəsmisi də oxşar şərhlər
səsləndirib. İran prezidenti Çərşənbə
gününə təyin edilmiş çıxışını təxirə salmış və bununla da qarşıdan gələn İyun
ayında keçiriləcək seçkilərdə iştirak edə bilməyəcəyi haqda şayiələrə yol
açmışdır. Kovsari bu söz-söhbəti
“psixoloji müharibə” kimi dəyərləndirir.