Əfqan prezidenti Həmid Karzai rəqib fraksiyaların döyüşlər apardığı Herat regionuna müdafiə və daxili işlər nazirlərini göndərib. Nazirlər Herata vəziyyətin təhqiqatı və sakitləşdirilməsi məqsədi ilə göndəriliblər. Bölgəyə Əfqanıstanın yeni milli ordusunun 500 əsgərdən ibarət qüvvəsi də yerləşdirilib. Əfqan rəsmilərinin bildirdiyinə görə hazırda vəziyyət normallaşmış və Heratın qubernatoru İsmail Xan nəzarəti əlinə almışdır. Döyüşlər dünən qubernatorun oğlu və Əfqanıstanın aviasiya nazirinin qətlə yetirilməsi ilə başlamışdı.