İyirmi ildən artıqdır ki, Natalya Paruzu Nyu-Yorkda avtomobil vurmuşdu. Qəzadan sonra bərpa zamanı o, Avstriyaya yollanıb və orada inəklərin boyunlarında zəng görüb. Və bu sadə baxış onun həyatında böyük dəyişikliyə səbəb olub.
“Zənglər sehrlidir. Forması paltara bənzəyir, sadəcə vizual olaraq sehr kimidir! Nə qədər çox araşdırsam, bir o qədər heyran oldum! Kolleksiyamda 700-ə yaxın zəng var”.
Natalya Paruz Nyu-Yorkda yaşayan musiqiçi və zəngdə ifa edən oyunçudur. Çoxsaylı musiqi mükafatlarının sahibi olan Paruz küçələrdə ifa etməkdən çəkinmir və həmişə zəng kolleksiyası haqqında danışmaqdan məmnundur.
“Fil zəngi! Velosiped zəngi! Bütün hekayə Avstriyadakı turist mağazalarından topladığım bu zənglərlə başladı” -deyə, musiqiçi Natalya Paruz qeyd edib.
Paruz vaxtilə rəqqasə olub. Marta Qraham Rəqs Təşkilatında təcrübə keçən Paruz gələcəyinin rəqslə bağlı olacağına əmin idi. Ancaq hər şey bir göz qırpımında dəyişdi - rəqs məşqindən sonra evə gedərkən onu Nyu York küçələrindən birində avtomobil vurdu. O həm fiziki, həm də emosional olaraq çox əziyyət çəkdi. O, peşəkar şəkildə rəqs etmək perspektivini çox uzaq və qeyri-real hiss etməyə başladı. Valideynləri Paruzu əyləndirmək üçün onu Avstriyaya səyahətə apardılar.
“Avstriyada olarkən biz avtomobil icarəyə götürmüşdük və sürürdük, avtomobilin açıq pəncərələrindən zəng səsləri eşidirdim. Ona görə də atama zarafat kimi dedim ki, bütün bu inək sürüləri fərqlidir, onların zəngləri fərqlidir - onları bir oktavaya uyğun toplamaq və onları ifa etmək əyləncəli olmazdımı? ” - deyə, Natalya Paruz bildirib.
Paruz sadəcə zənglərdə ifa etməyi öyrənməli olduğunu bilirdi. Onun heç vaxt müəllimləri olmayıb - köhnə kitabları oxuyur, köhnə fotoşəkilləri öyrənirdi - və öyrənmənin qalan hissəsini etmək üçün təxəyyülündən istifadə edirdi.
“İnək zəngləri ilk növbədə Avstriya və İsveçrədədir. Ola bilsin ki, Fransada da tapa bilərsiniz. Ancaq bu ölkələrdəki kimi dünyanın başqa bir yerində bu cür inək zəngləri…Mən Nyu-Yorkda olduğum kimi, burada və ya başqa ölkələrdə zənglərlə ifa edilə bilər...”
Zənglərlə ifa çətin işdir.
Musiqiçi 8 fut uzunluğundakı masanın qarşısında dayanır və qarşısındakı müxtəlif zənglərdə ifa edərək daim bir ucdan digərinə doğru hərəkət edir. Paruz deyir ki, bunun müəyyən bir xoreoqrafiyası, rəqsə bənzər quruluşu var ki, bu da onu fiziki cəhətdən olduqca tələbkar edir. O, Nyu Yorkda yeganə solo zəng ifa edən şəxs idi.
Ernest Heminqvey yazırdı: “Zənglər kimin üçün çalınır? O, sənin üçündür”. Oh, məncə zəng hamı üçün çalınır. Hamımız üçün - zənglərdən qaçış yoxdur" - deyə, Natalya bildirib.
