Accessibility links

Taliban Əfqanıstanda daha bir hücum həyata keçirib


Əfqanıstanın cənubundakı Qəzni və Zabul vilayətlərində iki ayrı-ayrı insidentlərdə azı 10 nəfər öldürülüb. Bu haqda rəsmilər fevralın 22-də açıqlama verib.

“Təəssüf ki, səkkiz polis əməkdaşı öldürülüb, bir nəfər yaralanıb”, - yerli valinin sözçüsü Arif Nuru deyib. Səbəb fevralın 22-də səhər Qəzni vilayətində Taliban yaraqlılarının polis nəzarət məntəqəsinə hücumudur.

Təhlükəsizlik qüvvələri yaraqlıların da itki verdiyini bildirir, amma dəqiq rəqəm açıqlamayıb.

Talibanın sözçüsü Zabihullah Mücahid Twitter-də hücuma görə məsuliyyəti üzərlərinə götürdüklərini yazıb. O, yaraqlıların 1 polis əməkdaşını saxladığını, 9-nun öldürüldüyünü bəyan edib.

Zabul vilayətində isə yol kənarına qoyulmuş bombadan iki dinc sakin həlak olub, iki nəfər yaralanıb.

Fevralın 20-də talibançılar Fərəh və Helmand vilayətlərində təhlükəsizlik məntəqələrinə hücum etmişdilər, azı 26 polis əməkdaşı öldürülmüş, bir neçə nəfər yaralanmışdı.

Amerika İcmalı

Amerika İcmalı - 23 İyul 2021
please wait

No media source currently available

0:00 0:29:57 0:00
XS
SM
MD
LG