Accessibility links

Almaniyada İkinci Dünya Müharibəsinə aid yeni bomba aşkar edilib


Almaniyanın şimal-qərbində yerləşən Hanover şəhərində rəsmilər İkinci Dünya Müharibəsi dövrünə aid bombanı zərərləşdirməyə hazırlaşdığı üçün 50 min sakinin evlərindən çıxmaları tələb olunub.

Şəhər rəsmiləri deyir ki, tikinti sahəsi və ona yaxın ərazilərdə iki bomba aşkar olunub.

Müharibədən 70 il sonra Almaniya ərazisində hələ də mütəmadi olaraq partlamamış bombalar tapılır. Bu bombalar, Müttəfiq qüvvələrin Nasist Almaniyasına qarşı apardığı intensiv bomba kampaniyalarının nəticəsidir.

Almaniyanın yayım şırkəti Deutsche Welle bildirir ki, təkcə 1943-cü ilin oktyabrın 9-da şəhərə 261 min bomba atılıb və onların çoxu hələ də partlamayıb. Rəsmilər vaxt keçdikcə və bombanın tərkib hissələri parçalandıqca, bu bombaların daha da təhlükəli hal aldığını deyir.

Buna bənzər ən böyük evakuasiya ötən Milad günü baş verib. O zaman partlamamış Britaniya bombasını zərərləşdirmək üçün Almaniyanın cənubunda yerləşən Auqsburq şəhərinin 54 min sakini evlərində çıxarılmışdı.

Dünyaya Baxış

Dünyaya Baxış. Ukraynanın hökumət vebsaytları kiberhücuma məruz qalıb
please wait

No media source currently available

0:00 0:11:00 0:00
XS
SM
MD
LG