ABŞ Səfirliyi və Ali & Nino Çap Evi Xalid Hüseyninin “Çərpələng Uçuran” kitabının Azərbaycan dilində tərcüməsini təqdim edib.
Amerikanın Azərbaycandakı səfirliyinin məlumatına görə, “Çərpələng Uçuran” kitabı 2003-cü ildə Birləşmiş Ştatlarda çap ediləndən sonra beynəlxalq arenada ən çox satılan kitablardan olub. Xalid Hüseyninin 2007-ci ildə məşhur kinofilmə çəkilən bu hekayəsi Əfqanıstan kontekstində etibar və xəyanət, ümid və ümidsizlik haqqında insan hekayəsidir.
Ali & Nino çap evinin əməkdaşlığı ilə ABŞ Səfirliyi bu kitabı ilk dəfə olaraq Azərbaycan dilində təqdim edir. Səfirliyin kitab tərcüməsi proqramı mühüm ABŞ bədii və sənədli ədəbiyyatının Azərbaycan ictimaiyyəti üçün tərcüməsinə dəstəkləyir.