ABŞ Dövlət katibi Con Kerri bildirib ki, Birləşmiş Ştatlar Bolqarıstanın təhlükəsizliyi, rifah halı və demokratik insitutların vəziyyətinə diqqət yönəldir.
Sofiyaya ilk dəfə dövlət katibi qismində səfər edən Kerri baş nazir Boyko Borisovla birlikdə mətbuat konfransı keçirib. O, həmçinin prezident Rosen Plevneliyev və xarici işlər naziri Daniel Mitovla görüşərək Bolqarıstanın enerji mənbələrinin diversifikasiyasını, hərbi müdafiə əməkdaşlığını və qanunun aliliyinin gücləndiriliməsi məsələsini müzakirə edib.
Dövlət Departamentinin rəsmisi deyib ki, Rusiyanın keçən ay Cənub Axını boru xətti planını ləğv etməsi Bolqarıstanın enerjidən asılılığı bağlılıq məsələsini müzakirənin əsas mövzusuna çevirib.