Accessibility links

ABŞ COVID-ə qarşı peyvənd oluna bilməyən insanlara AstraZeneca-nın xüsusi preparatının tətbiqinə icazə verib


ABŞ-ın səhiyyə orqanları çərşənbə günü peyvəndlərə mənfi reaksiya verən insanlarda COVID-19 infeksiyasının qarşısını almaq üçün AstraZeneca tərəfindən hazırlanmış sintetik anti-cisimlərin istifadəsinə icazə verib.

Ərzaq və Dərman İdarəsi (FDA) ilk dəfədir ki, belə sırf profilaktik müalicənin təcili istifadəsinə icazə verib.

FDA Evuşeld preparatının "COVID-19 peyvəndi tövsiyə olunan şəxslər üçün peyvəndi əvəz etmədiyi" barədə xəbərdarlıq edib. FDA güclü allergik reaksiya yarada bilən bu dərmanın yalnız immun sistemi zəif olan və ya tibbi səbəblərə görə peyvənd oluna bilməyən insanlarda istifadəsinə icazə verilə biləcəyini bildirib.

Belə hallarda dərman 12 yaşdan yuxarı insanlara tətbiq edilə bilər.

Evuşeld iki növ sintetik anti-cisimi (tixagevimab və cilgavimab) birləşdirir və bir-birinin ardınca iki əzələdaxili inyeksiya şəklində tətbiq edilir. Bu anti-cisimlər immun sisteminə onun hüceyrələri ilə daxil olmasına və onları yoluxdurmasına imkan verən sünbül zülalını hədəf alaraq, virusla mübarizə aparmağa yardım edir.

Ərzaq və Dərman İdarəsi müalicənin "virusun qarşısının alınması üçün altı ay ərzində təsirli ola biləcəyini" bildirib.

AstraZeneca dərmanı bu cür müalicə üçün sınaqdan keçirsə də, FDA bildirib ki, bu dərman artıq virusa yoluxmuş insana tətbiq edilə bilməz.

Yan təsirləri arasında allergiya, vurulduğu yerdə qanaxma, baş ağrısı və yorğunluq kimi reaksiyalar ola bilər.

FDA bu preparata icazəni 59 yaşdan yuxarı peyvənd olunmamış insanlar, xroniki xəstəliyi olan və ya infeksiya riski yüksək olan insanlar üzərində aparılan kliniki sınaqlara əsaslanaraq verib.

Bu dərman 3500 nəfərə tətbiq edilib ki, onlardan 1700 nəfəri plasebo alıb. Sınaqlar müalicənin COVID-19-un inkişaf riskini 77% azaltdığını göstərib.

Dünyaya Baxış

Dünyaya Baxış. Krımdakı vurulan Rusiya aviabazasının peyk görüntüləri yayımlanıb
please wait

No media source currently available

0:00 0:08:59 0:00
XS
SM
MD
LG