Əfqanıstanda Taliban yaraqlıları NATO qərərgahına hücum ediblər

İntiharçı jiletləri geymiş və qumbaraatanlarla silahlanmış Taliban yaraqlıları NATO-nun baş qərərgahı, ABŞ səfirliyi və Əfqan Kəşfiyyat Agentliyi də daxil olmaqla Kabilin mərkəzində bir sıra hədəflərə hücum ediblər. Bu gün təhlükəsizlik qüvvələri şəhərin mühüm rayonu yaxınlığında hücumçularla toqquşublar. Güllə və partlayış səsləri ölkənin paytaxtını bürüyüb. Rəsmilər bir polis zabiti və iki yaraqlının öldürüldüyünü deyirlər. Əfqan polisi beş hücumçunun Kabildə Əbdül Haq meydanında tikinti gedən çoxmərtəbəli binanı ələ keçirərək oradan mühüm hədəflərə atəş açmağa başladıqlarını deyib.