Əfqanıstanın cənub bölgəsində NATO qüvvələri kamikadze hücumuna məruz qalıb. Nəticədə 3 mülki vətəndaşın həlak olduğu bildirilir. Rəsmilər hücumun Talibanın məskunlaşdığı Qəndəhar şəhəri yaxınlığındakı hava limanı yolunda baş verdiyini deyir. Associated Pressin məlumatına görə, NATO sözçünü bir əfqanın öldürüldüyünü təsdiq edib. Qeyd edək ki, NATO və Əfqanıstan qüvvələrinin Qəndəharda yaraqlılarla mübarizəsi “ Drakon zərbəsi” əməliyyatının bir hissəsidir.