Havayda mayın 3-dən etibarən aktiv olan Kilauea vulkanı ilk xəsarətini vurub. Evinin 3-cü mərtəbəsindəki eyvanında dayanan bir şəxs lava sıcrayışından ciddi xəsarət alıb.
Havay meri Canet Snayder bildirib ki, həmin şəxs dizlərindən aşağıyadək yanıb.
Çatlardan püskürən lavanın çəkisi bir soyuducu qədər ola bilər. Hətta ən kiçik parçalar belə öldürücü qüvvəyə malikdir.
Yaralanan şəxsin kimliyi və vəziyyəti barədə məlumat verilməyib.
Lava axını sahil magistral yolunu bağlayıb. Bu yol sakinlərin evakuasiyası üçün əsas martşrutdur.
Kilauea dünyanın ən aktiv vulkanıdır.
May ayından etibarən 2 minə yaxın insan evakusiya edilib, lava 40-dan artıq yaşayış evini dağıdıb.
