Accessibility links

Honq-Konqda nümayişçilərin maska taxmalarına qadağa qoyulub


Honq Konqun Çin tərəfdarı lideri Karri Lam son məhdudiyyətlər çərçivəsində nümayişçilərə maska taxmağa qadağa qoyub.

Lam bu qadağa barədə açıqlamanı cümə günü verib və hökumətə qarşı 4 aydır davam edən və son günlər atran zorakılıqları pisləyib.

"Biz yeni qanunun maskalı etirazçılara və iğtişaşçılara təsirinin olacağına, polisə isə qanun çərçivəsində hərəkət etməsinə yardım edəcəyinə inanırıq" - deyə, Lam bildirib.

Maska taxmağın özü fərdi bir azadlıqdır

Lamın qadağanı elan etməsindən əvvəl minlərlə maskalı etirazçı Honq Konqun mərkəzində yürüş keçirərək, daha böyük demokratiyaya və azadlığa çağırıb.

"Maska taxmağın özü fərdi bir azadlıqdır. Buna qadağa qoymaqla onlar Honq Konq xalqını daha da qəzəbləndirəcək" , Honq Konq sakini deyib​.

Maska qadağası şənbə günü qüvvəyə minir və qeyri-qanuni nümayişlərdə zorakılıq tətbiq edən maskalı şəxslərə şamil olunur.

Lam qadağaya dəstək üçün qanunverici orqana müraciət edəcəyini deyib.

Şərhlərə bax

XS
SM
MD
LG