İndoneziyanın Bandunq şəhərindəki hökumət binası yaxınlığında bombaya bənzəyən qurğunun partlamasından sonra terrorçu olmaqda şübhəli bilinən şəxs polis tərəfindən güllənərək öldürülüb.
Qərbi Cavanın polis rəisi Anton Çarliyanın bildirdiyinə görə, partlayış zamanı xəsarət alan olmayıb.
Polis rəisi partlayışdan sonra binada yanğın baş verdiyini və şübhəlinin polislə atışma zamanı öldürüldüyünü deyib.
Artıq illərdir İndoneziya islamçı yaraqlıların terror hədəfinə çevrilib. 2002-ci ildə də Bali adasındakı gecə klubunda həyata keçirilən terror hücumu 202 nəfərin ölümü ilə nəticələnmişdi.