Accessibility links

Vergilər Nazirliyi Turan agentliyinin şikayətini məhkəməyə verib


Sentyabrın 19-da axşam Turan agentliyinə Vergilər Nazirliyinin 11 sentyabr tarixli növbəti məktubu daxil olub.

Məktubda agentliyin şikayəti üzrə başlanmış təhqiqatın dayandırıldığı bildirilir.

Vergi Riskləri Departamentinin rəhbəri Fərid Cəbrayılın adından göndərilən məktubdan məlum olur ki, səyyar vergi yoxlamasının keçirilməsi ilə bağlı 14 avqust tarixli qərarın ləğvi barədə Turan-ın şikayətinə baxılıb.

Şikayətdə vergi sanksiyasının hesablanması ilə bağlı agentliyin 2014-2016-cı illər üçün fəaliyyətinin son kameral yoxlanması barədə qərardan etiraz verilib.

"Yoxlama zamanı müəyyən edilib ki, agentlik 1 saylı İnzibati-İqtisadi Məhkəməsində müvafiq iddia qaldırıb. Eyni vaxtda inzibati və məhkəmə yoxlamasının keçirilməsinin mümkün olmadığını nəzərə alaraq, agentliyin ona qarşı cinayət işinin dayandırılması barədə müraciəti məhkəmə orqanlarına verilib.

Agentliyin şikayətinin təhqiqatının dayandırılması barədə qərar qəbul edilib", - məktubda deyilir.

Xatırladaq ki, Vergilər Nazirliyi Bakı Şəhər Lokal Gəlirlər Departamenti Turan agentliyinə qarşı 2014-2016-cı illər üçün 37 min manat həcmində vergi sanksiyasını bərpa edib.

Ancaq sentyabrın 12-də nazirliyin həmin departamentindən Turan-a 11 sentyabr tarixli 3 məktub gəlib. Məktublarda bildirilib ki, agentliyin vergi borcu və hər hansı cərinə sanksiyası yoxdur.

Vergi sanksiyaları ləğv edildikdən sonra agentliyin bank hesabları açılmışdı.

Avqustun 7-də Lokal Gəlirlər Departamenti Turan agentliyinəqarşı 2016-cı il üçün 37 min manat həcmində ödənilməyən vergi hesablayıb və cinayət işi qaldırıb.

Avqustun 25-də agentliyin direktoru Mehman Əliyev həbs olunub. Ancaq sentyabrın 11-də başqa yerə getməmək barədə iltizam ilə azadlığa buraxılıb.

Dünyaya Baxış

Dünyaya Baxış. Azərbaycan mətbuat azadlığı indeksində 13 pillə geriləyib
please wait

No media source currently available

0:00 0:13:30 0:00

Amerika İcmalı

Amerika İcmalı. Beynəlxalq Mətbuat Azadlığı Günü - Azərbaycanda medianın durumu.
please wait

No media source currently available

0:00 0:30:02 0:00
XS
SM
MD
LG