Accessibility links

Manhattandakı bomba hücumunda əli olan Əhməd Xan Raham adlı şəxs axtarılır


Rəsmilər şənbə günü gecə Manhattanda törədilən bomba hücumunda əli olan 28 yaşlı Əhməd Xan Rahaminin axtarıldığını bildirib.

Hücum haqda əlavə məlumat verilməsə də, Nyu-York şəhərinin meri Bill de Blasio CNN kanalına həmin şəxsin sorğu-sual edilmək üçün tez bir zamanda ələ keçirilməli olduğunu deyib.

Birləşmiş Ştatların Federal Təhqiqat Bürosu və Nyu-York polisi şənbə günü gecə baş verən partlayışda əli olanlarla yaxınlıqda aşkar edilən partlayıcı qurğunu yerləşdirənlər arasında hər hansı əlaqənin olub-olmadığını araşdırır.

Federal Təhqiqat Bürosu bazar günü Bruklinin şosse yolunda şübhəli bir avtomobilin saxlandığını və içərisindəki 5 nəfərin sorğu-sual edildikdən sonra heç bir cinayətdə əli olmadıqlarının aşkar edildiyini bildirib.

Şənbə günü gecə Çelsi məhəlləsində baş verən partlayış zamanı yaralanan 29 nəfərin artıq xəstəxanadan buraxıldığı deyilir.

Amerika İcmalı

Amerika İcmalı - 26 Noyabr 2021
please wait

No media source currently available

0:00 0:30:16 0:00
XS
SM
MD
LG