Pakistanın hərbi rəsmiləri deyib ki, ölkənin şimalı-qərbində baş verən qarşıdurmada bir əsgər və səkkiz Taliban yaraqlısı öldürülüb.
Yaraqlılar bazar ertəsi Orakzay vilayətində yoxlanış məntəqəsinə hücum edib.
Pakistan Orakzay vilayətində Taliban yaraqlılarını Əfqanıstanla sərhəddə yaxın dağlıq ərazidən çıxarmaq məqsədi ilə hücum həyata keçirib.
Rəsmilər həmçinin bildirib ki, yaraqlılar şənbə günü Kurram ərazisində oğurlanmış 60 mülki vətəndaşı əsirlikdən azad edib.
Mülki vətəndaşların girov götürülməsi bölgədə sülhün bərqərar edilməsi cəhdləri ilə eyni zamana düşüb.