Filippinin mərkəzi bölgəsində batan bərədəki 5 nəfərin axtarışı davam edir. Rəsmilər bu gün daha üç nəfərin cəsədinin tapıldığını və bununla ölənlərin sayının 50-ə çatdığını, azı 141 nəfərin ya xilas edildiyi, ya da üzərək sahilə çıxdığını deyirlər.
"Kim Nirvana" bərəsi cümə axşamı Leyte adasındakı Ormok limanından müntəzəm marşrutu ilə Kamotes adalarına yola düşəndən bir neçə dəqiqə sonra batmağa başlayıb. İlkin təhqiqatların nəticələrinə görə, bərə hava şəraitinin pis olması və yanlışlıq səbəbindən batıb.
Şahidlər güclü dalğaların bərəni yolundan çıxardığını deyir.
