Adəm Zindani içərişəhərin küçələrindən birində yerləşən emalatxanada yaşayır və elə orda da çalışır. Əvvəllər fotoqraf kimi fəaliyyət göstərsə də, gəlirli sahə olmadığından uzaqlaşıb. Lakin, 5 ilə yaxındır ki, ağac üzərində heykəltəraşlıqla maraqlanmağa başlayıb və bu sahədə ustaya çevrilib. Sənətkar günün müəyyən hissəsini öz emalatxanasında keçirir. Hazırladığı heykəllərin qiyməti işə sərf olunan əməyə görə dəyişir. Alıcıları əsasən turistlərdir, lakin yerli camaatın da onun işlərinə marağı az deyil. İşlərə sərf etdiyi vaxt isə heykəlin ölçüsünə görə dəyişir. Azərbaycanda bu sənət geniş yayılmayıb. Adəm Zindani bunun sənətin çətinliyi ilə əlaqədar olmadığını deyir. Lakin bu sənətin özünəmxsus detalları da çoxdur. Ən vacibi isə düzgün ağac budağı seçməkdir.