Accessibility links

Rusiya Avropanın sanksiya çağırışlarını rədd edib


Rusiya çərşənbə axşamı müxalifət lideri Aleksey Navalnının sərbəst buraxılması və onun həbsindən sonra sanksiyalarla bağlı təhdidləri rədd edib və bunun milli məsələ olduğunu deyib.

Navalnının həbsindən bir gün sonra Moskvaya qarşı sanksiya çağırışlarına cavab olaraq Kremlin sözçüsü deyib ki, Navalnının işinə ölkə daxilində baxılacaq.

"Bu bəyanatları nəzərə almırıq və almayacağıq. Bu, bir Rusiya vətəndaşının Rusiya qanunlarına riayət etməməsi ilə əlaqədardır. Bu, tamamilə daxili bir məsələdir və heç kimin bu işə qarışmasına icazə verməyəcəyik"- deyə, Dmitri Peskov çərşənbə axşamı jurnalistlərə bildirib.

Zəhərləndikdən sonra aylardır Almaniyada müalicə olunan Navalnı bazar ertəsi Rusiyaya qayıdıb. O, zəhərlənməsində prezident Vladimir Putinin dəstəklədiyi Rusiya təhlükəsizlik qüvvələrini günahlandırıb. Putin bu iddiaları rədd edib.

Rusiya məhkəməsi bazar ertəsi Navalnını müvəqqəti azadlıq şərtlərini pozduğuna görə 30 gün həbs cəzasına məhkum edib. Kremlin ən qatı tənqidçisini bir neçə il həbsə göndərə biləcək məhkəmə işi hazırlanır.

Müxalifət liderinin 24 saatdan az qaldığı Moskva yaxınlığındakı polis bölməsi müvəqqəti məhkəmə salonuna çevrilib. Navalnı 2014-cü ildə cəzasının dayandırılaraq müvəqqəti azadlıq şərtlərini pozmaqda günahlandırılır.

Avropanın insan haqlarının müdafiəsi qrupları prosesi “arbitrar” adlandırıb.

Dünyaya Baxış

Dünyaya Baxış. Blinken Avropa müttəfiqləri ilə danışıqlar üçün Almaniyadadır
please wait

No media source currently available

0:00 0:14:30 0:00
XS
SM
MD
LG