Accessibility links

Rusiya Ukraynada əsir götürdüyü 10 əcnəbini azad edib


Səudiyyə Ərəbistanı Xarici İşlər Nazirliyinin bildirdiyinə görə, Rusiya çərşənbə günü Səudiyyə Ərəbistanının vəliəhd şahzadəsi Məhəmməd Bin Salmanın vasitəçiliyi ilə Ukraynada əsir götürdüyü 10 əcnəbi döyüşçünü azad edib.

Sərbəst buraxılan məhbusların Amerika, Britaniya, Xorvatiya, Mərakeş və İsveç vətəndaşları olduğunu bildirən nazirlik məhbusları daşıyan təyyarənin krallığa endiyini bildirib.

"Səudiyyə Ərəbistanının müvafiq orqanları onları Rusiyadan alıb və krallığa köçürüb, indi onların öz ölkələri üçün prosedurları hazırlayır" - deyə, bəyanatda bildirilib.

Nazirlik məhbusların kimlikləri barədə məlumat verməyib. Səudiyyə rəsmisi onların beş britaniyalı, iki amerikalı, bir xorvat, bir mərakeşli və bir İsveç vətəndaşı olduğunu bildirib.

Britaniyanın Baş naziri Liz Trass tvitter səhifəsində "onlar və ailələri üçün aylarla davam edən qeyri-müəyyənlik və iztirablardan" sonra Britaniya vətəndaşlarının sərbəst buraxılmasını "çox xoş xəbər" kimi alqışlayıb.

Ailə nümayəndəsi çərşənbə günü Reuters agentliyinə bildirib ki, Rusiya ABŞ vətəndaşları - 39 yaşlı Aleksandr Drueke və 27 yaşlı Endi Hyuihi da azad edib.

Hər ikisi Alabama ştatından olan amerikalılar iyun ayında Rusiyanın işğalına müqavimət göstərən Ukrayna qoşunlarını dəstəkləmək üçün Ukraynanın şərqinə gedib və orada döyüşərkən ələ keçirilib.

Rusiyanın fevralın 24-də işğalından sonra çox sayda əcnəbi döyüşmək üçün Ukraynaya gedib. Onlardan bəziləri Rusiya qüvvələri tərəfindən döyüşçü olmadıqlarını deyən digər əcnəbilərlə birlikdə tutulub.

Reuters xəbər agentliyi azad edilənlər arasında Donetskdə ələ keçirilən və ölüm cəzasına məhkum edilən britaniyalı Şon Pinner və Mərakeş əsilli Brahim Saadunun olub-olmadığını dəqiqləşdirə bilməyib.

İsveçin xarici işlər naziri Ann Linde Mariupol limanında əsir götürülən və Donetsk Xalq Respublikasının qanunlarına əsasən ölüm cəzası gözlənilən İsveç vətəndaşının azad edilənlər arasında olduğunu təsdiqləyib.

Həm Ukrayna, həm də Rusiya qüvvələri münaqişə başlayandan bəri yüzlərlə əcnəbi döyüşçünü əsir götürüb və onların arasında bir neçə əsir mübadiləsi aparılıb.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG