Rusiya ilə Ukrayna arasındakı münaqişədə son durum:
* NATO baş katibi Yens Stoltenberq məktub göndərərək Rusiyanı “irəliyə doğru diplomatik yol tapmaq üçün” görüşlərdə iştirak etməyə çağırıb. O deyib ki, NATO Rusiyanın narahatlıqlarını dinləməyə hazırdır, amma yeni aqressiyanın “NATO-nun daha böyük mövcudluğuna gətirib çıxaracaq.”
* Britaniya Baş naziri vəziyyəti “Avropanın son onillərdə üzləşdiyi ən böyük təhlükəsizlik böhranı” adlandırıb.
* Britaniya Xarici İşlər Naziri Liz Truss deyib ki, Ukraynada müharibə “Rusiya və Ukrayna xalqı və Avropanın təhlükəsizliyi üçün fəlakətli ola bilər” və Rusiyanı böhranı diplomatik yolla həll etməyə çağırıb.
* Rusiya Xarici İşlər Naziri Sergey Lavrov deyib ki, yalnız hörmətə əsaslanan dialoq münasibətlərin normallaşmasına gətirib çıxara bilər və “ideoloji yanaşmalar, ultimatumlar, təhdidlər, əxlaq mühazirələri heç yerə aparmır.”
* Rusiya Belarus qüvvələri ilə 10 günlük birgə təlimlərə başlayıb. Bu Moskvanın Ukrayna sərhədində ən sonra güc nümayişidir. Ukrayna qüvvələri də cümə axşamı Kyivin Qərb müttəfiqlərinin təchiz etdiyi silah-sursatla öz təlimlərinə başlayıb.
* Qərb Rusiyanın qoşunları və silahlarını Ukrayna sərhədindən geri çəkməsini tələb edir, Moskva isə NATO-nun şərqi və mərkəzi Avropada əməliyyatlarını məhdudlaşdırmasını tələb edir. Rusiya həmçinin iddia edir ki, Qərbin müdafiə alyansı Ukraynanın NATO üzvlüyünə müraciətini rədd etməlidir. Birləşmiş Ştatlar isə bunu “qeyri-mümkün” adlandırır.
