Avropa İttifaqının şərtlərinə uyğun olaraq Türkiyə müsadirə etdiyi əmlakı qaytaracaq

Avropa İttifaqına üzv olmaq istəyən Türkiyə hökuməti müsadirə etdiyi dini azlıqlara məxsus əmlakı qaytarmağa razı olub. Türkiyə hökuməti keçən həftənin şənbə günü bildirib ki, 1936-cı ildə müsadirə edilən 150-dən çox xristian və yəhudi əmlakı geri qaytarılacaq. Hökumət rəsmiləri artıq satılmış əmlaka görə kompensasiya ödəniləcəyini, vaxtilə müsadirə edilmiş məktəblər, xəstəxanalar, yetimxanalar və qəbristanlıqlar da daxil edilməklə, yunanlar, ermənilər, yəhudilər və müxtəlif etnik azlıqlara məxsus şəxsi əmlakın qaytarılacağının nəzərdə tutulduğunu bildiriblər.