Twitter zorakılığı təşviq edən nifrət və təhqir məzmunlu şərhlərin filter edilməsi üçün nəzərdə tutulan yeni qaydaların qüvvəyə mindiyini bildirib.
Populyar sosial media şəbəkəsi müsəlmanları zorakılıq halları ilə əlaqələndirib müntəzəm olaraq təhrikedici videolar yayan `Britain First` adlı ultra-sağçı qrupun hesabını bağlayıb.
Bu qrupun liderləri Cayda Fransen və Pol Qoldinqin şəxsi hesabları da Twitter tərəfindən bağlanıb.
Ötən ay ABŞ prezidenti Donald Trampın Fransenin Twitter hesabında müsəlmanların zorakılıq törətdiyinə işarə edən iki şərhini bölüşməsi narazılıq yaratmışdı.
Bir neçə britaniyalı qanunverici onun ölkəyə rəsmi səfərinin ləğvinə çağırıb.
Twitter problemli hesabların müəyyən edilməsində əsasən istifadəçilərin məlumatına etibar edir. Lakin şirkət məzmuna nəzarət edə bilmək üçün səhifəsini təkmilləşdirir.