Accessibility links

ABŞ nümayəndə heyəti sanksiyaların yumşaldılmasını araşdırmaq üçün Venesuelaya səfər edib


A sign at a gas station on Rte. 1A displays the price of diesel fuel, March 4, 2022, in Boston.
A sign at a gas station on Rte. 1A displays the price of diesel fuel, March 4, 2022, in Boston.

ABŞ-ın yüksək səviyyəli rəsmilərindən ibarət nümayəndə heyəti ABŞ-ın əsas neft istehsalçısına qarşı sanksiyalarının yumşaldılması imkanlarını araşdırmaq məqsədilə prezident Nikolas Maduro hökumətinin üzvləri ilə danışıqlar aparmaq üçün şənbə günü Venesuelaya səfər edib.

Ağ Evin mətbuat katibi Cen Psaki bazar ertəsi bildirib ki, ABŞ nümayəndə heyəti enerji təhlükəsizliyi, eləcə də həbsdə olan ABŞ vətəndaşlarının sağlamlığı və rifahı da daxil olmaqla bir sıra məsələləri müzakirə edib.

O, bu iki məsələnin "ayrı-ayrı yollar və məsələlər" olduğunu qeyd edib.

Danışıqlarda iştirak edən mənbələr KİV-ə bildiriblər ki, müzakirələr aylardır pərdə arxasında gedirdi, lakin Rusiyanın Ukraynaya müdaxiləsi ilə yeni aktuallıq kəsb edib.

OPEC-in məlumatına görə, Venesuelanın neft hasilatı son iki onillikdə kəskin azalaraq, 2002-ci ildə gündəlik 3 milyon bareldən bu ilin əvvəlində gündəlik 800 min bareldən aşağı səviyyəyə düşüb. Bununla belə, ölkənin xam neft ixracı Rusiyaya qarşı mümkün neft embarqosunun nəticələrini kompensasiya edə bilər. Cənubi Amerika ölkəsi həm də Rusiya prezidenti Vladimir Putinin Qərb yarımkürəsindəki ən güclü müttəfiqidir.

Keçmiş prezident Donald Trampın dövründə ABŞ 2019-cu ildə müxalifət lideri Xuan Quaydonu ölkənin qanuni prezidenti kimi tanıdıqdan və Maduronu prezident seçkilərini saxtalaşdırmaqda ittiham etdikdən sonra Venesuela ilə diplomatik əlaqələri kəsib. Tramp administrasiyası həmçinin Venesuelanın milli neft şirkətinə ABŞ-ın bütün gəlirlərini bloklayıb.

Wall Street Journal qəzetinin verdiyi məlumata görə, son həftələrdə bəzi ABŞ investorları Bayden administrasiyasını Venesuelaya daha çox xam neft göndərə bilməsi üçün ölkəyə qarşı sanksiyaları ləğv etməyə çağırıblar. Bu, Qərb dövlətləri Rusiya neftini boykot etmək qərarına gəlsə, boşluğu doldura bilər. Chevron şirkəti də həmçinin administrasiyanın Venesueladan nefti qəbul etmək və onun ticarəti üçün lisenziyasını dəyişdirməsinə çalışıb.

Mənbələrin bildirdiyinə görə, ABŞ-ın Venesuelaya səfər edən nümayəndə heyətinə Milli Təhlükəsizlik Şurasının Qərb yarımkürəsi üzrə baş direktoru Xuan Qonzales, Venesueladakı səfir Ceyms Stori və girovların işi üzrə prezidentin xüsusi nümayəndəsi Rocer Carstens başçılıq edirdi. Carstens Tramp administrasiyası 2019-cu ildə Maduro ilə əlaqələri kəsəndə Karakasda ən yüksək ABŞ diplomatı idi.

ABŞ Dövlət Departamenti və Venesuela İnformasiya Nazirliyi danışıqları birbaşa şərh etməkdən imtina edib. Lakin Reuters xəbər verir ki, hər iki tərəf Qərb yarımkürəsinin əsas gücü ilə onun ən böyük ideoloji rəqiblərindən biri arasında uzun müddət davam edən gərginliyi əks etdirən “maksimalist tələblər” kimi xarakterizə edilən tələbləri irəli sürdüyü üçün çox az irəliləyiş əldə edilib.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG