Yaponiya mübahisəli nüvə proqramına görə İrana qarşı əlavə sanksiyalar tətbiq edib. Bu gün Yaponiyanın nazirlər kabinetində təsdiq edilən bu ölçü 88 təşkilat, 14 bank və 24 şəxsin hesablarını dondurmalıdır. Yaponiyanın bu addımı ötən ay BMT-nin Təslükəsizlik Şurasının uran zənginləşdirilməsi fəaliyyətlərindən əl çəkmədiyinə görə İrana qarşı tətbiq etdiyi sanksiyalara əlavə edilir. Həmin sanksiyalar 75 qurum və 41 şəxsə şamil edilir. ABŞ dövlət katibi Hillari Klinton və Amerikanın Maliyyə naziri Timoti Qaytner Yaponiyanın sanksiyalarını alqışlayaraq, bu addımın İranı beynəlxalq biznes dünyasından təcrid etdiyini bildirib.