Fevralın 12-də Pakistanda naməlum şəxslər tərəfindən oğurlanan Əfqanıstanın sabiq vilayət qubernatoru xilas edilib.
Əfqanıstanın qərbi Herat vilayətinin sabiq qubernatoru Fəzulla Vahidi bu gün Fransanın xəbər agentliyinə Pakistanın şimal-qərbindəki Peşəvər şəhərinin polis yoxlama məntəqəsində azad edildiyini bildirib. O, atışmadan sonra azad edildiyini və iki həftə əvvəl İslamabadda kimlər tərəfindən oğurlandığını bilmədiyini deyib.
Pakistan polisi Reuters xəbər agentliyinə artıq oğurluqda şübhəli bilinən üç nəfərin həbs edildiyini və gizli yerdə saxlanıldıqlarını bildirib.
Kabildəki Britaniya səfirliyi əfqanlara viza vermədiyi üçün Vahidi Pakistana viza almaq üçün ailəsi ilə birlikdə gedib.