Günəş enerjisi ilə çalışan təyyarə ABŞ boyu tarixi səfərini başa vurub.
Eksperimental "Solar Impulse" təyyarəsi dünən gecə saatlarında Nyu-Yorkun Con F. Kennedi Beynəlxalq Hava Limanına enib. Təyyarənin sol qanadında gözlənilməz dəlik aşkar ediləndən sonra enmə planlaşdırılandan 3 saat tez baş tutub. Təyyarənin missiya heyəti deyib ki, nə pilot, nə də təyyarə təhlükədə olmayıb və bütün hallarda təyyarə vaxtından əvvəl eniş həyata keçirəcəkdi.
Heyət bu dəliyi pilot Andre Borşberqin məharətlə dəf etdiyi maneə adlandırıb.
11 min Günəş paneli ilə çalışan İsveçrə istehsalı "Solar Impulse" ABŞ səfərinə may ayının əvvəli San Fransiskodan başlayıb və Nyu-Yorka çatmamışdan əvvəl 5 şəhərdə dayanıb.
İki ay davam edən bu missiya 2015-ci ildə təyyarənin daha güclü modeli ilə dünya səfərinə çıxmaq planı üçün mühüm test idi.
Eksperimental "Solar Impulse" təyyarəsi dünən gecə saatlarında Nyu-Yorkun Con F. Kennedi Beynəlxalq Hava Limanına enib. Təyyarənin sol qanadında gözlənilməz dəlik aşkar ediləndən sonra enmə planlaşdırılandan 3 saat tez baş tutub. Təyyarənin missiya heyəti deyib ki, nə pilot, nə də təyyarə təhlükədə olmayıb və bütün hallarda təyyarə vaxtından əvvəl eniş həyata keçirəcəkdi.
Heyət bu dəliyi pilot Andre Borşberqin məharətlə dəf etdiyi maneə adlandırıb.
11 min Günəş paneli ilə çalışan İsveçrə istehsalı "Solar Impulse" ABŞ səfərinə may ayının əvvəli San Fransiskodan başlayıb və Nyu-Yorka çatmamışdan əvvəl 5 şəhərdə dayanıb.
İki ay davam edən bu missiya 2015-ci ildə təyyarənin daha güclü modeli ilə dünya səfərinə çıxmaq planı üçün mühüm test idi.