Azərbaycan milli kimliyi uğrunda dinc mübarizə aparan tanınmış ərdəbilli fəal Abbas Lisani və Əli Ağazadə (Əli Haray) Urmiyə gölünün qurumasına İran hakimiyyətinin laqeyd münasibətinə etirazlara görə tutulub.
“Media forum” saytının məlumatına görə, İran Kəşfiyyat Nazirliyinin (ETTELAAT) Ərdəbil şöbəsinin əməkdaşları sentyabrın 9-u sübh saatlarında Abbas Lisanini iş yerində tutub bilinməz istiqamətə aparıblar.
ETTELAAT-ın Təbriz şöbəsinin əməkdaşları isə həmin gün milli fəal Əli Ağazadəni (Əli Haray) mənzilində tutub.
