Tehranın qərbindəki sursat anbarında baş vermiş iki nəhəng partlayış nəticəsində azı 27 adam həlak olub.
İranın dövlət mediası xəbər verir ki, İnqilab Qvardiyası Korpusunun nəzarətində olan hərbi obyektdə nəsə partlayıb.
Elitar hərbi qüvvənin sözçüsü Ramazan Şərif bildirib ki, ilkin təhqiqat göstərir ki, partlayışlar hərbi qüvvələr sursatı köçürəndə baş verib.
Qüdrətli partlayışlar yaxınlıqdakı binaları titrədib və 40 kilometr uzaqda yerləşən paytaxtda hiss olunub.
