Accessibility links

Huawei-nin maliyyə direktorunun vəkili Trampın şərhlərini təhdidedici adlandırıb


Çinin nəhəng Huawei şirkətinin maliyyə direktorunun vəkili ABŞ prezidenti Donald Trampın şərhlərini səbəb gətirərək məhkəmədən onun təmsil etdiyi şəxsə qarşı məhkəmə prosesini dayandırmağı istəyəcəyini bildirib.

Menq Uanzou Kanadada ev dustaqlığındadır. O, ABŞ-ın İrana tətbiq etdiyi sanksiyaları pozmaqda təqsirli bilinərək mühakimə edilmək üçün ABŞ-a ekstradisiya edilə bilər.

Çərşənbə günü Vankuverdə ekstradisiya barədə dinləmələrdə Menqin vəkili Skott Fenton bildirib ki, Trampın ABŞ və Çin arasında ticarət danışıqlarına kömək edərsə, Meqin məhkəmə prosesinə müdaxilə edəcəyini deməsi məhkəmə prosesinin siyasi motivli ola bildiyini göstərir.

Fenton Trampın şərhlərini təhdidedici adlandırıb.

Kanada polisi Menqi ABŞ-ın müraciəti ilə dekabrda həbs edib. Huawei-nin təsisçisi Ren Janqfe rəsmi olaraq bank fırıldaqçılığı, pul köçürmələrində fırıldaqçılıq və konspirasiya ittihamları ilə həbs edilib.

Çin dekabrda Menqin həbsinə cavab olaraq casusluq ittihamı ilə iki Kanada vətəndaşını həbs edib.

Çində narkotik maddə ittihamı ilə 15 il həbsə məhkum edilmiş digər bir kanadalıya qarşı isə ölüm hökmü çıxarılıb.

Amerika İcmalı

Amerika İcmalı - 22 Oktyabr, 2021
please wait

No media source currently available

0:00 0:29:58 0:00
XS
SM
MD
LG