Çin rəsmilərinin bildirdiyinə görə, ölkənin cənub-qərbindəki Siçuan vilayətində baş verən iki güclü zəlzələ nəticəsində ölənlərin sayı azı 12 nəfərə çatıb.
Bazar ertəsi gecə saatlarında baş verən zəlzələ zamanı 125 nəfərin yaralandığı, bir neçə nəfərin isə dağıntılar altında qaldığı bildirilir.
Rəsmilər zəlzələnin episentrinin Siçuan vilayətinin Çanqninq şəhəri yaxınlığındakı ucqar ərazidə yerləşdiyini bildirib.
Birləşmiş Ştatların Geoloji Araşdırmalar Mərkəzinin bildirdiyinə görə, 5.9 bal gücündə birinci zəlzələdən az sonra eyni ərazidə 5.2 bal gücündə zəlzələ olub.
Mərkəz zəlzələlərin ciddi dağıntılara səbəb ola biləcəyi barədə xəbərdarlıq edib.
