Accessibility links

Şəhidlər Xiyabanını ziyarət zamanı Milli Şuranın tərəfdarları saxlanılıb


Əli Kərimli: Bizi iki saatadək Şəhidlər Xiyabanı istiqamətinə buarxmadılar
please wait

No media source currently available

0:00 0:02:57 0:00

İnsident Milli Şuranın tərəfdarlarının ziyarətə birgə buraxılmamasından sonra yaranıb

Yanvarın 20-də Ümumxalq Hüzn Günündə Şəhidlər Xiyabanın ziyarəti zamanı Milli Şuranın tərəfdarları ilə polis arasında insident baş verib. Çoxsaylı insan polis tərəfindən saxlanılıb.

Hadisənin şahidləri Amerikanın Səsinə bildirib ki, polis Bakıda Parlament prospektinin başlanğıcında toplaşmış Milli Şuranın minlərlə tərəfdarını iki saatadək gözlətdikdən sonra toplum halında Şəhidlər Xiyabanı istiqamətinə buraxmayıb. İnsident bundan sonra baş verib.

Milli Şuranın yanvarın 19-da “Mehman Hüseynov və bütün siyasi məhbuslara azadlıq” tələbi ilə keçirilən mitinqində AXCP sədri Əli Kərimli tərəfdarlarına müraciət edərək yanvarın 20-də Şəhidlər Xiyabanının ziyarətinə çağırmışdı.

Bugünkü insidentdən sonra AXCP sədri Əli Kərimli Amerikanın Səsinə bildirib ki, onların şəhidlər xiyabanında siyasi aksiya keçirmək fikri olmayıb.

“Şəhidlərimizə ehtiramımızı göstərmək üçün hər zaman xiyabana mütləq gələcəyik. İnsanlar Əzizbəyov dairəsinə toplaşıb iki saat gözlədikdən sonra gərginlik artdı. Onları xiyabana doğru buraxmadılar. Bundan sonra “Şəhidlər ölməz, vətən bölünməz!” şüarı səsləndirdilər. Bu zaman xüsusi təyinatlı polisləri, çevik polis alayını səfərbər etdilər. Şəhidləri ziyarətə gəlmiş insanları xırda-xırda qruplara böldülər. Böyük hissənin qabağını kəsdilər. Onları ümüumiyyətlə xiyabana doğru buraxmadılar. Məni, Milli Şuranın rəhbərliyini 150 nəfərlik qrupla xiyabana doğru buraxdılar. Sonra bizim olduğumuz qrupu yenə böldüllər və 15-20 adamla şəhidlərimizi ziyarət etmək üçün icazə verdilər,” o qeyd edib.

Kərimli hesab edir ki, hökumət dünənki mitinqdəki izdihamdan qorxuya düşüb.

“Görünür İlham Əliyev bunlara göstəriş verib. Dünənki mitinqdəki izdihamdan qorxuya düşüb. Millətə nə desin? Deyirdilər müxalifət olmayacaq. Müxalifəti məhv etmişik. Hansıki müxalifət on minlərlə insanın qarşısında çıxış edir. İndi polisə tapşırıq verib ki, insanları təcrid edin, elə şərait yaradın ki, Əli Kərimli 15 adamla ziyarətə getsin. Bütün bu əməliyyat onun üçün idi. Millətin başına bu oyunu açdılar. Hörmətsizlik etdilər. Amma buna görə utanmalı olan biz deyilik. Çox təəssüf. Özü bilsin. Bumeranq effekti ilə qayıdacaq, rejimin özünə dəyəcək,” AXCP sədri bildirib.

Rəsmi qurumlar hələ baş verənlərlə bağlı məlumat yaymayıb.

AXCP-nin məlumatına görə, bəzi fəallar azad buraxılsa da, hazırda azı 10 nəfər polisdə saxlanılır.

Fikirləriniz

Show comments

XS
SM
MD
LG