Accessibility links

Şanxayda bina çöküb: azı 9 nəfər dağıntıların altındadır


Şanxayın mərkəzində ötən cümə axşamı təmir olunan bina çöküb. Azı doqquz nəfər dağıntıların altında qalıb, on bir nəfər isə artıq çıxarılıb.

Avtomobil qalereyasına çevrilən bina səhər saat 11:30 radələrində çöküb. Şəhərin xilasetmə xidməti hadisə yerinə 24 təcili yardım maşının və 150-dən çox personalın getdiyini bildirib.

Gündüz saatlarında dağıntılar altında ilişib qalan 20 nəfərdən 11 artıq çıxarılıb.

Bina Çinin maliyyə mərkəzinin Çanqninq rayonunda yerləşir.

Şanxayda bina çöküb
Şanxayda bina çöküb

Çində son aylar bir neçə sənaye qəzaları baş verib və buna görə iqtisadiyyatın zəiflədiyi bir vaxt təhlükəsizlik tələblərinə riayət olunmaması səbəb göstərilir.

Mart ayında Çinin şərqi Yançenq şəhərində yerləşən kimya zavodunda baş verən partlayış nəticəsində 78 nəfər ölüb. Həmin zavodda bir sıra təhlükəsizlik pozuntuları qeydə alınıb. Bu partlayış son illərdə Çində baş verən ən tələfatlı sənaye qəzalarından biridir.

Bundan əvvəl noyabr ayında isə 2022-ci ildə Qış Olimpiya Oyunlarına ev sahibliyi edəcək Janqjiaku şəhərində kimya zavodu yaxınlığında baş verən partlayış nəticəsində azı 22 nəfər ölüb.

2010-cu ildə Şanxayda böyük yanğın həmin vaxt təmir altında olan 28 mərtəbəli binanı dağıdıb və nəticədə 58 nəfər həyatını itirib

Dünyaya Baxış

Dünyaya Baxış. Azərbaycanın İrandakı səfirliyinə silahlı hücum olub - bir nəfər həlak olub
please wait

No media source currently available

0:00 0:12:44 0:00

Amerika İcmalı

Amerika İcmalı. ABŞ Ukraynaya 31 Abrams tankı göndərəcək. Azərbaycanın dövlət büdcəsi.
please wait

No media source currently available

0:00 0:29:58 0:00
XS
SM
MD
LG