ABŞ-ın Montana ştatında -12 dərəcədə qarın altında tapılmış pişiyin sağlamlığı tam bərpa olunub. Flaffi adlı pişik artıq sahiblərinin isti evinə geri qayıdıb.
Flaffi keçən həftə şaxtalı havada qarın altında tapılanda onun vücudunun hərarəti təhlükəli səviyyədə aşağı idi. Təcili şəkildə aparıldığı klinikada növbəti bir neçə saat ərzində isti su və isti ədyalların köməkliyi ilə onun hərarəti bərpa edilib.
Əlavə edilir ki, çöl pişiyi olan Flaffi bu hadisədən sonra vaxtının böyük hissəsini evdə keçirir.
