Accessibility links

Şimali Koreya müharibənin sona çatdırılması ilə bağlı çağırışa ziddiyyətli cavablar verir


Şimali Koreya rəsmiləri bu həftə Cənubi Koreyanın Koreya Müharibəsinə son qoymaqla bağlı çağırışını bir daha təkrarlanmasına reaksiya verərək, ziddiyyətli bəyanatlarla çıxış edib.

Cənubi Koreya Prezidenti Mun Cae-in bu həftə Şimali Koreya ilə dayandırılmış danışıqlarda təkan vermək məqsədilə uzun zamandır müharibəyə son qoymaqla bağlı etdiyi çağırışını yeniləyib.

Cümə axşamı dövlət mediasının baş məqaləsində Şimali Koreyanın xarici işlər nazirinin müavini Li Ti Son ABŞ-ın Pxenyana qarşı "düşmənçilik siyasəti"ni davam etdirdiyi bir vaxt müharibəyə son qoyulması barədə danışmağın "tez" olduğunu deyib və xüsusi olaraq ABŞ qoşunları və hərbi avadanlıqlarının təkcə Cənubi Koreyada deyil, regionda mövcudluğuna istinad edib.

Şimali Koreya bir neçə saat sonra ölkə lideri Kim Çen Inın bacısı Kim Yo Conqun açıqlaması ilə birlikdə tonunu dəyişib. Son illər koreyalararası əlaqələrdə böyük rol oynayan liderin bacısı Kim Yo Conq müharibəyə son qoyulması təklifini "maraqlı və təqdirəlayiq bir fikir" adlandırıb və hətta bu mövzuda Cənubi Koreya ilə danışıqlar aparmağı təklif edib.

Şimali Koreya bundan əvvəlki bəyanatlarında ABŞ qoşunlarının Şərqi Asiyadan çıxarılmasını tələb etsə də, Kim Yo Conun sonrakı şərhləri daha mülayım olub və Seuldan yalnız Şimala dair ritorikasını dəyişməsini istəyib.

Müharibəyə son qoyulduğuna dair bəyanatın olma ehtimalı uzun zamandır Birləşmiş Ştatlarla Cənubi Koreya arasında fikir ayrılığı mənbəyidir.

ABŞ Müdafiə Nazirliyinin sözçüsü Con Kirbi bu həftə ABŞ-ın müharibənin sona çatması ilə bağlı bəyanatı müzakirə etməyə açıq olduğunu deyib.

Lakin cümə axşamı ABŞ Dövlət katibinin Yaponiya və Koreya üzrə yardımçısının müavini Mark Lambert ABŞ-ın belə bir bəyanatla çıxış etməyə istəksiz olduğunu bildirib.

Dünyaya Baxış

Dünyaya Baxış. Ukrayna Rusiyanın 26 pilotsuz təyyarəsini vurduğunu bildirib
please wait

No media source currently available

0:00 0:10:31 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG