Accessibility links

Şimali Makedoniyanın COVID xəstəxanasında baş verən yanğın nəticəsində 14 nəfər ölüb


Çərşənbə axşamı axşam saatlarında Şimali Makedoniyanın COVID-19 üçün nəzərdə tutulan səyyar xəstəxanasında baş verən yanğın nəticəsində 14 nəfər ölüb, bir neçə nəfər yaralanıb.

Səyyar xəstəxana ölkənin qərbindəki Tetovo şəhərində bölgədə COVID-19-a yoluxma halları artdığı üçün qurulub.

"Bu, izah edə bilmədiyim bir faciədir. Onlar çıxa bilməyən xəstələr idi. Bu, böyük fəlakətdir" - deyə, yerli sakin İdriz Brahimi bildirib.

Tetovonu ziyarət edən Şimali Makedoniya Prezidenti Stevo Pendarovskinin sözlərinə görə, yerli vaxtla axşam saat 9 radələrində başlayan yanğının səbəbi məlum deyil. O, araşdırmaların nəticəsinin bir neçə gün ərzində başa çatacağını deyib və əlavə edib ki, belə görünür yanğın təsadüfən baş verib.

Yerli sakin Nəhməddin Haliti "Partlayışı gördük və buraya gələndə hər şey alov içində idi. Yanğınsöndürənlər gəlib yanğını söndürməyə başladılar. Yanğın 15-20 dəqiqə davam etdi. Hər şey yandı" deyib.

Son zamanlar Şimali Makedoniyada virusa yoluxma və ölüm halları artıb.

Ölkənin 2 milyon əhalisinin təxminən 30%-nə peyvəndin tam dozası vurulub.

Şərhlərə bax

Amerika İcmalı

Amerika İcmalı - 24 Sentyabr 2021
please wait

No media source currently available

0:00 0:28:23 0:00
XS
SM
MD
LG