Şri Lankanın müvəqqəti polis rəhbəri bildirib ki, Pasxa günü baş verən partlayışların şübhəlilərinin hamısı ya həbs olunub, ya da öldürülüb.
Yayılan səs yazısında Vikramaratne bütün şübhəlilərin şəxsiyyətinin qısa bir müddət ərzində müəyyən edildiyini qeyd edib.
Pasxa bayramı günü Şri Lankada 160 insanın ölümünə və yüzlərlə digərinin yaralanmasına səbəb olan silsilə partlayışlara görə məsuliyyəti İslam Dövləti qrupu öz üzərinə götürüb.
Şri Lanka prezidenti Maitripala Sirisena Kolomboda müxbirlərə deyib ki, ada ölkəsində təxminən 140 nəfərin İŞİD-lə əlaqəsi müəyyən edilib və Şri Lanka höküməti “İŞİD-in ölkədəki fəaliyyətinə tam nəzarət etmək imkanına” malikdir.
