Əlcəzairin uzunmüddətli lideri Əbdüləziz Buteflika 5-ci dönəm prezident yarışlarına qatılmayacağını bəyan edib. Baxmayaraq ki, ötən həftə o, sənədlərini təqdim edib.
Aprelin 18-nə təyin edilən seçkilərin təxirə salındığı bildirilir.
82 yaşlı Buteflika Cenevrədə iki həftə tibbi yoxlanışdan keçdikdən sonra Əlcəzairə yenicə qayıdıb.
2013-cü ildə iflic keçirməsindən sonra ictimaiyyət arasında az görünən Buteflikanın ciddi tibbi problemi olduğu barədə şayiələr gəzir.
Prezident vətəninə onun 5-ci dönəm prezident yarışlarına qoşulacağını elan etməsindən sonra baş qaldıran etiraz aksiyalarının 3-cü həftəsi dönüb.
