Accessibility links

Əfqanıstanın Çarli Çaplini


Əfqanıstanın Çarli Çaplini
please wait

No media source currently available

0:00 0:01:45 0:00

Kərim Əsirlə tanış olun. Özünü Əfqanıstanın Çarli Çaplini adlandıran Kərim Kabilin tozlu küçələrində səssiz filmlər nümayiş etdirir.

25 yaşlı Kərim intiharçı hücuma şahid olduğunu, performansına görə həyatına qarşı müxtəlif cür təhdidlərlə qarşılaşdığını bildirir. Ancaq o, müharibənin viran qoyduğu bu şəhərin insanlarına gülüş bəxş etməkdə israrlı olduğunu deyir.

"Mənim məqsədlərimdən biri insanlara Əfqanıstanda müharibə, münaqişə və təhlükəsizlik kimi problemləri unutmağa şans yaratmaqdır. İnsanların bu problemləri unudub, əylənmələrini istəyirəm'' - deyə, Kərim bildirib.

Stanp-up komediyaçısı bütün paytaxtda Çaplinin makiyajlı və şapkalı avara obrazı kimi tanınır.

Kərimin sözlərinə görə, militantlar onu anti-islamçı olmaqda günahlandıraraq, təhdid edirlər.

Bir zamanlar Əfqanıstan böyük musiqi və sənətkarlıq mədəniyyətinə malik idi. Lakin Talibanın idarəetməsi altında bir çox mədəni tədbirlər qadağan edildi.

"Mən bomba hədəfi olmaqdan və ya ya öldürülməkdən qorxuram. Ancaq bunlar mənə öz sənətimi nümayiş etdirməyimi mane ola bilməz'' - deyə, Kərim əlavə edib.

Kərim və onun ailəsi 1990-cı illərdə Talibanın Əfqanıstanı ələ keçirməsindən sonra İrana köçmək məcburiyyətində qalıb. O, İran tv-lərinə baxaraq, Çaplinin hərəkətlərini əzbərləyərək böyüyüb.

Kabilə qayıtdıqdan sonra isə o, Çaplinin məşhur görünüşünü yenidən yaratmağa başlayıb. Kərim beynəlxalq təşkilatların köməkliyi ilə uşaq evlərində təşkil olunan xeyriyyə tədbirlərində öz performansını nümayiş etdirir.

Valideynlərinin ilk tərəddüdlərinə baxmayaraq, Kərim indi ailəsi üçün qürur mənbəyi olduğunu söyləyir.

Fikirləriniz

Show comments

XS
SM
MD
LG