Accessibility links

Əfqanıstanda bomba hücumu onlarla insanın ölümünə səbəb olub


Çərşənbə günü Əfqanıstanın paytaxtı Kabildəki polis məntəqəsi yaxınlığında avtomobilə yerləşdirilmiş güclü bomba partlayışı çox sayda insanın ölümünə və yaxınlıqdakı binaların zədələnməsinə səbəb olub.

Paytaxtın qərbindəki Əfqanıstan Polislərin İşəgötürmə Mərkəzinə edilən hücumun məsuliyyətini Taliban dərhal üzərinə götürüb.

Yerli media hücum zamanı azı 18 nəfərin öldüyünü, 100-dən çox insanın yaralandığını bildirib. Əfqanıstan Səhiyyə Nazirliyinin bildirdiyinə görə, çoxu mülki vətəndaş olmaqla, xəstəxanaya aparılan 100-dən çox yaralı arasında qadın və uşaqlar da var.

Ölümcül hücum Talibanın əfqanlara qarşıdan gələn prezident seçkilərində iştirak etməməklə bağlı təhdidlərindən bir gün sonra törədilib.

Əfqanıstanın Daxili İşlər Nazirliyinin sözçüsü Nəsrət Rəhimi intiharçının avtomobildəki bombanı təhlükəsizlik qüvvələrinin avtomobili polis idarəsinin keçid məntəqəsində saxlayarkən partlatdığını deyib.

Taliban sözçüsü Zabihulla Mücahid güclü mühafizə olunan mərkəzin girəcəyində mülki vətəndaşların olmadığını bildirib.

Dünyaya Baxış

Dünyaya Baxış. Rusiya Belqorodda Ukraynanın hava hücumunun qarşısını aldığını bildirib
please wait

No media source currently available

0:00 0:12:17 0:00

Amerika İcmalı

Amerika İcmalı. Ukraynaya dəstək və yardım. NATO baş katibinin Cənubi Qafqaza səfəri.
please wait

No media source currently available

0:00 0:29:43 0:00
XS
SM
MD
LG