Accessibility links

Əfqanıstanda İslam Dövləti qrupunun lideri öldürülüb


Əfqanıstanda İslam Dövləti qrupunun lideri dron hücumu zamanı öldürülüb. Əbdu Səad Erhabi ilə bərabər İŞİD-in daha 9 komandiri həlak olub.

Xoqyani vilayətində həyata keçirilən gecə hücumu qrupun Nanqarhar vilayətindəki baş qərargahını hədəf alıb.

Vilayət hökumətinin sözçüsü Attaulah Xoqyani Amerikanın Səsinə bildirib ki, İŞİD-in iki bazası sıradan çıxarılıb.

Əfqanıstanın kəşfiyyat rəsmiləri əks-terror əməliyyatına beynəlxalq qüvvələrin yardım etdiyini deyib. ABŞ-ın ordu sözçüsü Martin Odennel hücum zamanı terrorist təşkilatının liderinin öldürüldüyünü təsdiq edib.

Erhabi ISK-P adı ilə tanınan qrupun öldürülən 4-cü lideridir. Bu qrup Nanqarhar vilayətində ən ağır hücumların məsuliyyətini daşıyır.

Kabil Rusiyanın iddialarına zidd olaraq ölkədə 2 mindən artıq ISK-P yaraqlısı olduğunu bildirir. Rusiya isə bu göstəricinin 10 mindən artıq olduğunu deyir.

Bu ayın əvvəlində Taliban çoxsaylı İŞİD yaraqlısının öldürüldüyünü bildirmişdi.

Təkcə ötən il Əfqanıstanda 3 min 400-dən artıq dinc sakin öldürülüb, 7 min nəfər xəsarət alıb.

Dünyaya Baxış

Dünyaya Baxış. ABŞ COVID-19 peyvəndinin gücləndirici dozasını təsdiqləyib
please wait

No media source currently available

0:00 0:11:54 0:00

Amerika İcmalı

Amerika İcmalı - 17 Sentyabr 2021
please wait

No media source currently available

0:00 0:29:53 0:00
XS
SM
MD
LG