Accessibility links

Əhməd Obalı: İranda millət hər şeyə hazırdır, bu rejimin qalmasına hazır deyil [Video-müsahibə]


`İranda millət hər şeyə hazırdır, bu rejimin qalmasına hazır deyil`
please wait

No media source currently available

0:00 0:06:19 0:00

Birləşmiş Ştatların İranla nüvə sazişindən çıxması qərarını elan etməsindən sonra Tehrana qarşı iqtisadi sanksiyalar bərpa edilir. Ekspertlər sanksiyaların İran iqtisadiyyatını zəiflətməklə yanaşı, Tehranın Yaxın Şərqdə nüfuzunun azalmasına gətirib çıxara biləcəyini bildirir. Günaz televiziyasının rəhbəri Əhməd Obalı Amerikanın Səsinə müsahibəsində ABŞ-ın İranla nüvə sazişindən çıxmasının ardınca Tehrana qarşı sanksiyaların iqtisadi və siyasi təsirlərini şərh edib.

Əhməd Obalının sözlərinə görə, prezident Trampın Tehranla nüvə sazişindən çıxmaq qərarı İran azərbaycanlıları arasında dəstəklə qarşılanıb. O bildirib ki, 2015-ci ildə dünya qüdrətləri ilə İran arasında nüvə sazişinin imzalanmasından sonra ölkəyə böyük miqdarda maliyyə axını oldu, lakin insanların iqtisadi durumun yaxşılaşması və İranın beynəlxalq təcriddən çıxması ilə bağlı gözləntiləri özünü doğrultmadı.

Millətin iqtisadi durumu heç yaxşı olmadı. Siyasi cəhətdən basqılar çoxalıb, edamların sayı çoxalıb, işsizlik artıb, inflasiya artıb.

“Yüz milyon dollarla pullar İrana qayıtdı, amma insanlara o pullardan heç nə çatmadı. Və o pullardan rejim daha da çox istifadə etdi, məntəqədəki dövlətlərin daxili işlərinə müdaxiləyə. Millətin iqtisadi durumu heç yaxşı olmadı. Siyasi cəhətdən basqılar çoxalıb, edamların sayı çoxalıb, işsizlik artıb, inflasiya artıb. İran tüməninin dəyəri bilirsiniz ki, bu son zamanlar daha da azaldı, sanksiyalardan əvvəl və bu qərar elan olmadan əvvəl də azalmışdı. Yəni millət deyir ki, əgər belədir, ya bu dövlət ya dəsr alar, ya da yıxılar.”

İran dövlətinin bazasının nə qədər zəiflədiyinin biz öz gözlərimizlə şahidi olduq. İranda ümumiyyətlə bir partlayış gözlənilir.

Əhməd Obalı İranın qarşıladığı iqtisadi problemlər arasında maliyyə sistemində şəffaflığın olmaması, hökumətdə korrupsiya, yüksək işsizlik səviyyəsini qeyd edib. O, eyni zamanda Tehranın Suriyada münaqişəyə müdaxiləsinin böyük maliyyə hesabına başa gəldiyini bildirib.

Əhməd Obalı bildirib ki, keçən ilin sonu və bu ilin əvvəli İranda baş qaldıran etiraz nümayişlərinin əsas səbəbi əhalinin iqtisadi durumunun ağır olması ilə bağlı idi. “İran dövlətinin bazasının nə qədər zəiflədiyinin biz öz gözlərimizlə şahidi olduq. İranda ümumiyyətlə bir partlayış gözlənilir. Millət hər şeyə hazırdır, bu rejimin qalmasına hazır deyil.”

  • 16x9 Image

    Dilşad Əliyarlı

    Jurnalist və yazar Dilşad Əliyarlı 17 ildən artıqdır "Amerikanın səsi"ndə çalışır. Azərbaycan xidmətində televiziya proqramlarının yaradıcılarından biri olan Dilşad Əliyarlı "Amerika icmalı" proqramının redaktoru və aparıcısıdır. D.Əliyarlı ABŞ-dan Azərbaycan dilində yayımlanan ilk televiziya xəbər proqramının ilk aparıcısı olub. 

XS
SM
MD
LG