Accessibility links

İranlı milli fəal Tovhid Əmir-Əmini Evin həbsxanasına qayıdıb


Ana dili haqları sahəsində fəaliyyətlərindən dolayı 5 il həbs cəzasına məhkum edilmiş güneyli milli fəal Tovhid Əmir-Əmini Evin həbsxanasına qayıdıb.

Bölgədə fəaliyyət göstərən insan hüquqları fəallarının yaydığı məlumata görə, Tovhid Əmir-Əmini 20 günlük məzuniyyət müddətinin bitməsi ilə mayın 25-də Tehranın Evin həbsxanasına qayıtmaq məcburiyyətində qalıb.

Əmir-Əmini 350 milyon tümənlik zəmanət qarşılığında həbsxanalarda COVID-19 xəstəliyinin yayılmasını önləmək məqsədi ilə 20 gün müddətinə məzuniyyətə buraxılmışdı.

Sosial mediada yayımlanan məlumata görə, azərbaycanlı fəallar məzuniyyətə buraxılan siyasi məhbus Tovhid Əmir-Əmininin görüşünə gedib.

Əmir-Əmini 2019-cu ilin fevral ayının 21-də Əmir-Əmini digər milli fəal Kiyanuş Aslani ilə birlikdə Beynəlxalq Ana Dili Gününü qeyd etmək məqsədilə Tehranda təbrik kartları payladıqları zaman həbs edilmişdi.

Tovhid Əmir-Əmini həmin dinc fəaliyyətinə görə, ilkin məhkəmə tərəfindən "ölkənin milli təhlükəsizliyini pozmaq" və "sistemə qarşı təbliğat aparmaq" ittihamları ilə 9 illik ağır həbs cəzasına məhkum edilmişdi. Həmin ağır hökm daha sonra Tehran Apellyasiya Məhkəməsinin 36-cı şöbəsində 7 il 6 ay həbs cəzasına endirilmiş və ötən il İran prezidenti tərəfindən elan edilən həbs cəzasını azaltma qanunu ilə Əmir-Əmininin həbs müddəti 5 ilə endirildi.

İran İslam Respublikası qeyri-fars icmaların Beynəlxalq Ana Dili Günü münasibətilə tədbir keçirmələrinə maneələr törədərək, xüsusilə Tehranda türk fəallara qarşı basqıların daha ağır şəkildə tətbiq edildiyi müşahidə edilir.

Amerika İcmalı

Amerika İcmalı. ABŞ Finlandiya və İsveçin NATO-ya qəbulunu bir addım daha yaxınlaşdırır.
please wait

No media source currently available

0:00 0:29:21 0:00
XS
SM
MD
LG