Accessibility links

Əvəz Zeynallı: “Dünyada bunun kimi gözəl, maraqlı, baməzə iddia ərizəsi yoxdur”


Yanvarın 17-də Bakının Nərimanov Rayon Məhkəməsində hakim Vüsal Mahmudovun sədrliyi ilə xural.com saytına və saytın baş redaktoru Əvəz Zeynalıya qarşı iqtidarda olan Yeni Azərbaycan Partiyasının Nərimanov rayon Təşkilatının Ağsaqqallar Şurasının sədri Miri Həsənovun xüsusi ittiham qaydasında şikayəti əsasında hazırlıq iclası olub.

Xural.com saytının baş redaktoru Əvəz Zeynallı Amerikanın Səsinə bildirib ki, YAP Nərimanov rayon Təşilatının Ağsaqqallar Şurasının sədri xural.com saytını və baş redaktoru vətəndaş Şəfəq Nəcəfovanın (Allahverdi) problemlərini işıqlandırdığına görə məhkəməyə verib.

“Biz Azərbaycan mətbuat tarixində ən maraqlı ittiham ərizəsi ilə qarşılaşmışıq. Ağsaqqallar Şurasının sədri iddia edir ki, onun evinin içində 50 il qabaq bitmiş üzüm kolunu o, 50 il sonra necə Dental klinikansının binasının arxasında əkə bilər? Ağsaqqal iddiasında yazır ki, bayraq bizim qürur mənbəyimizdir. Ağsaqqallar Şurasının ofisinin qarşısındakı bayrağı ofislə birgə çəkib yaymaq milli mənəvi dəyərlərimizə hörmətsizlikdir? Ofisin qabağındakı bayrağın şəklini biz çəkməməliydik? Yəni bayrağı kənarlaşdırıb ofisin şəklini çəkməliydik? Ağsaqqal iddia edir ki, onun portretini özünün icazəsi olmadan internetdə dərc etmək jurnalist oğurluğudur. Bu isə cinayət tərkibidir. Xüsusi ittiham qaydasında verişmiş ərizənin məğzi budur. İnternetdə onun portretini Yeni Azərbaycan Partiyasının saytı dərc edib. Biz də portreti oradan götürüb dərc etmişik. O, portrerinin dərc edilməsini jurnalist oğurluğu hesab edir. Bu oğurluğun isə cinayət tərkibi yaratdığını yazır. Dünyada bunun kimi gözəl, maraqlı, baməzə bir ərizə yoxdur,” o qeyd edib.

Zeynallı bildirib ki, xural.com saytı Şəfəq Allahverdinin problemini işıqlandırıb.

Biz Azərbaycan mətbuat tarixində ən maraqlı ittiham ərizəsi ilə qarşılaşmışıq.
Əvəz Zeynallı, jurnalist

“Maraqlıdır ki, Şəfəq Allahverdi də Yeni Azərbaycan Partiyasının üzvüdür. Bu ağsaqqal isə YAP Nərimanov Rayon Ağsaqqallar Şurasının sədridir,” o qeyd edib.

Şəfəq Allahverdi jurnalistlərə bildirib ki, ölkədə mülkiyyətin toxunulmazlığı haqqında konstitusiya öhdəliyi olduğu halda onun özəl mülkiyyətində qanunsuz olaraq bağ salınıb.

“Məni məhkəməyə veriblər ki, guya bağ sahəsində ev tikdirimişəm. Orada (Heydər Əliyev prospekti 99\1 saylı evdən söhbət gedir) 40-cı illərdən, müharibədən sonra tikilən binadır. Klinika ilə bizim evimizin arasında bir metr məsafə var. Orada o divarın bir hissəsini dağıdıb qaraj tikdirib və sonra bizim binanın üstünü də zəbt edib. O öz qanunsuz hərəkətlərini bizim üstümüzə yazmaq istəyir. İnşallah bizim prezidentimiz, hüquq mühafizə orqanlarımız buna fikir verəcək. Nərimanov Rayon Məhkəməsinin qərarı ilə mən razı deyiləm və Bakı Apellyasiya Məhkəməsinə müraciət etmişəm,” o qeyd edib.

Xatırladaq ki, Nərimanov Rayon Məhkəməsi bir neçə ay öncə Miri Həsənovu Şəfəq Allahverdinin mülkiyyətinə zərər verdiyinə görə 400 manat cərimələyib. Xanım Allahverdi isə məhkəmənin qərarı ilə razı deyil və apellyasiya şikyəti verib.

Baş verənlərlə bağlı Miri Həsənov hələ münasibət bildirməyib.

Növbəti məhkəmə iclası yanvarın 23-də saat 15-də olacaq.

Dünyaya Baxış

Dünyaya Baxış. Tofiq Yaqublu döyülməsi ilə bağlı prokurorluqda ifadə verib
please wait

No media source currently available

0:00 0:11:46 0:00

Amerika İcmalı

Amerika İcmalı - 3 Dekabr 2021
please wait

No media source currently available

0:00 0:29:43 0:00
XS
SM
MD
LG