İsrail baş naziri Benyamin Netanyahu ölkənin hərbi qüvvələrinə Qəzza Zolağında quru əməliyyatlarına başlamaq göstərişi verib.
Cənab Netanyahu açıqladığı bəyanatda əməliyyatın məqsədinin Qəzzadan İsrailə keçən tunelləri dağıtmaq olacağını bildirib.
Daxil olan xəbərlərə görə bütün Qəzza şəhərində elektrik kəsilib.
Cümə axşamı erkən saatlarda İsrail hərbçiləri 13 Həmas militantının tunel vasitəsilə cənubi İsrailə daxil olmaq cəhdlərinin qarşısını aldığını xəbər verib.
Qəzzada partlayış səsləri eşidilməkdədir.